Ekki fullseint í rassinn gripið??

Maður spyr sig.... 2004?? Ég man nú varla hvað gerðist í gær!

Lýst eftir vitnum að líkamsárás

En bíddu...

Sigurður minn var einkennalaus.... Hann var samt með streptókokka... fékk pensillín, en varð svo fárveikur... Þá var hann enn með streptó af því að pensillínið var ekki nógu sterkt.. Guði sé lof að læknarnir tóku strok.

 

Of sterk viðbrögð við streptókokkasýkingu

Já SÆLL!!

Eins gott að þau unnu... Ég eyddi 300 krónum í að kjósa þau...  úff úff úff....Þau áttu þetta svo sannarlega skilið...

Áfram Eurobandið

 

Eurobandið fer til Serbíu

Fíaskó...

Hvernig er þetta með borgarstjórann í Reykjavík?

Í upphafi þessa sirkuss sem varð í borgarstjórninni á mánudaginn fyrir viku kom upp umræða um veikindi hans. Hefði ekki verið sterkara fyrir hann að viðurkenna þetta strax og þá hefði málið verið úr sögunni. Er ekki næsta víst að þetta hefði komið upp fyrr eða síðar og hann þá verið betur staddur frammi í dagsljósinu en ekki í feluleik með allt saman. Auðvitað ber manninum engin skylda til að gaspra um sitt einkalíf. Honum er það algjörlega í sjálfsvald sett. En þetta gefur manni ekki þá tilfinningu að hann sé heiðarlegur. Og Geðhjálp talar um að allt of miklir fordómar séu fyrir andlegum veikindum í þjóðfélaginu. Væri þá ekki fyrsta skrefið að hætta að fela þá og taka þá ekki að sér svona viðamikið embætti með öllu því stressi sem því fylgir.

Mér fannst Spaugstofan fyndin. Ég sá þetta akkúrat eins og þeir spaugstofumenn vildu meina, sem ádeilu á umræðu í fjölmiðlum þessa síðastliðnu viku. Ekki sem beina árás á borgarstjórann. Einmitt hefði mér fundist hann koma best frá þessu ef hann hefði slegið þessu upp í kæruleysi og hlegið að öllu saman. En ég er ekki hann. Hins vegar líst mér ágætlega á hann og það sem hann stendur fyrir, og vona ég innilega að honum eigi eftir að farnast vel í nýja starfinu og öllu því sem hann tekur sér fyrir hendur.

Upp með húmorinn!!!

Áfram Spaugstofan

Jæja sæll

Sæll. Allt vitlaust í borginni. Gaman að því, það verður nú að vera smá spenna og gaman í þessu! Af hverju gerist aldrei neitt svona hérna á Egilsstöðum. Væri nú ekki gaman að geta farið á bæjarstjórnarfund og stappað niður fótum, klappað og öskrað ókvæðisorðum að fólkinu. Helst í beinni útsendingu í sjónvarpinu!!

Ég er allavega svo sátt orðið við að vera búin að segja upp stöð 2, þó ég missi af Glæstum vonum. Þarf bara að horfa á fréttirnar til að sjá sama söguþráð. Grátandi fullvaxnir karlmenn, hinn og þessi með heilu hnífasettin í bakinu, leynilegir fundir um "framhjáhöld" og svik. Þetta er ekki frábrugðið á nokkurn hátt....

I love it!

Takk kærlega borgarstjórn Reykjavíkur fyrir að spara mér tæpar 6 þúsund krónur á mánuði í áskriftargjöld fyrir sápuóperustöð.... TAKK!!!!!!

 

Sautján árum síðar.

14. des klukkan hálf 10 um morguninn fæddist Ásgerði systur og Kela sonur. Hann var 15 merkur og 51 cm og er sko alveg dásamlega fallegur! Þau koma svo sennilegast heim í dag, og það er mikil tilhlökkun í gangi á þessu heimili. Jafnt hjá mér sem Ástu Evlalíu! Hefur ekki hitt foreldra sína í viku og aldrei hitt þennan dásamlega bróðir sinn, en séð þeim mun fleiri myndir af honum.

Annars er bara sæmó að frétta héðan. Jólin nálgast á ógnarhraða, og enn töluvert eftir að gera. Sigurður Alex lasinn, sem er bara orðið meira normið heldur en hitt! Verður vonandi búinn að jafna sig fyrir jól.

Vinnan gengur vel, svona þegar ég mæti í hana. Við Sigurgeir skiptumst á að vera heima með barninu svo að vinnan verður fyrir vikið frekar stopul. En svona er þetta bara, barnið gengur fyrir og þannig verður það alltaf.

En jæja, best að nota tímann til að klára að græja og gera. Er í morgun búin að þrífa forstofuna og baðherbergið.

Síðar. 

Komin aftur

Jæja, þá rann áskriftin á 123.is út og ég tímdi ekki að endurnýja svo að hér er ég aftur komin til að bulla í ykkur.

Allt gott að frétta eins og vanalega, barnið mitt orðið háaldrað og ég enn aldraðri! Ásgerður systir og Keli farin til Akureyrar að eignast barn svo ég ættleiddi Ástu Evlalíu á meðan. Spilli henni eins og ég get og fer svo vonandi norður á sunnudaginn til að kíkja á litla gripinn. SEM FÆÐIST Í FYRRAMÁLIÐ!!!!!!! JESÚS PÉTUR Á JÓLUNUM!!!!!

En jæja, búin að bulla nóg í bili, ég læt inn fréttir af litla barninu strax og ég fæ fréttirnar í fyrramálið!!

 

Léttvín og bjór í verslanir

Hvað er það sem fólk skilur ekki við það að það er ólöglegt að versla áfengi fyrir fólk undir aldri? Mikið ofsalega fer í taugarnar á mér þegar fólk þykist yfir lögin hafin. Og ég hlusta ekki á rökin "það er betra að ég viti hvað þau eru að drekka heldur en að þau kaupi landa úti á götu" EN JÁ, SKILJIÐI ÞAÐ EKKI AÐ ÞETTA ER LÖÖÖÖÖÖÖÖÖÖÖGBROT!!!!!! LÖGBROT! Er það ekki nægileg ástæða útaf fyrir sig? Og börn undir 20 ára eiga ekki að drekka áfengi, það er svo næsta ástæða.

Núna líka sér fólk loksins að þetta er ekkert grín að þetta sé bannað. Verði þessum manni að góðu að borga minnst 20. þúsund í sekt fyrir þetta athæfi sitt.

Og ætli þetta lagist ef bjórinn fengist í Bónus? Til að selja áfengi þarftu líka að hafa náð 20 ára aldri. Hversu mikill hluti starfsfólks í matvöruverslunum í dag hefur náð þeim aldri?

Fávitaheimskulegt...

Á yfir höfði sér sekt fyrir að hafa keypt áfengi handa unglingum

Allt gott að frétta....

Það er löngu kominn tími á færslu, svo mikið er víst.

Margt hefur gerst síðan ég bloggaði síðast, en ég nenni nú alls ekki að rifja það allt upp! Kannski nokkra punkta...

    *Fór til Reykjavíkur

    *Var í Reykjavík

    *Keypti hillusamstæðu

    *Kom heim

    *Sigurður Alex varð 9. mánaða, sem er alveg stórmerkilegt! Barnið er nýfætt!

    *Sigurður Alex byrjaði að skríða, það var ofsalega mikill dugnaður...

Ég er líka komin í vorgírinn... Er búin að þrífa alla glugga að innan, setja allar gardínur í þvottavélina og þurrka af... Hellings afrek! Finnst mér allavega!

En jæja, var bara orðin leið á að sjá alltaf sömu gömlu færsluna efst...

Bendi á síðu sonar míns ef ykkur þyrstir í frekari fréttir af okkur, er mikið duglegri að uppfæra þá síðu.

Já...JÁ!!

Hann er að koma í heimsókn til mín líka.. Gleymdist alveg að taka það fram í fréttinni.

Bless í bili úr draumalandi dauðans.....

Vin Diesel til Íslands?